“ƏSRİN MÜQAVİLƏSİ”NİN 10-CU İLDÖNÜMÜ TƏNTƏNƏ İLƏ QEYD EDİLƏCƏKDİR
Dövlət Neft Şirkətinin mətbuat xidmətindən AZƏRTAC-ın müxbirinə bildirmişlər ki, 1994-cü il sentyabrın 20-də Xəzər dənizindəki “Azəri-Çıraq-Günəşli” neft yataqlarının birgə işlənməsinə dair Azərbaycan dövləti ilə xarici neft şirkətləri arasında Hasilatın Pay Bölgüsü Sazişinin imzalanmasının 10 illiyi münasibətilə Heydər Əliyev adına Sarayda təntənəli yığıncaq keçiriləcəkdir. Tədbirdə “Əsrin müqaviləsi”nə həsr olunmuş sərgi və tarixi-sənədli film də nümayiş etdiriləcəkdir.
Yığıncaqdan əvvəl dövlət və hökumət rəsmiləri, xarici qonaqlar, neft şirkətlərinin nümayəndələri Fəxri xiyabanda ümummilli liderimiz Heydər Əliyevin məzarını ziyarət edəcək, Heydər Əliyev Fondunda olacaqlar.
Bölmənin digər xəbərləri
