“ƏSRİN MÜQAVİLƏSİ”NİN 10 İLLİYİNƏ VƏ NEFTÇİLƏRİN PEŞƏ BAYRAMINA HƏSR OLUNMUŞDUR
“Azərneftyağ” zavodunda bu əlamətdar hadisələr münasibətilə keçirilən təntənəli yığıncaqda ümummilli liderimiz Heydər Əliyevin neft strategiyasının uğurlarından bəhs edilmişdir. AZƏRTAC-ın müxbiri xəbər verir ki, müəssisənin kollektivini təbrik edən zavodun direktoru Ramiz Mirzəyev ölkə iqtisadiyyatının inkişafında aparıcı rol oynayan neft sənayesinin son illərdəki yüksəlişini vurğulamışdır. O, on il əvvəl xarici şirkətlərlə əməkdaşlığın əsasının qoyulduğunu xatırladaraq demişdir ki, ölkəmizdə uğurla həyata keçirilən neft strategiyası xalqımızın milli maraqlarına xidmət edir. Bu illər ərzində neft emalı kompleksi də yenidən qurulmuş, istehsalın iqtisadi səmərəliliyi xeyli artmışdır. Neftayıranların iş və sosial şəraiti xeyli yaxşılaşmışdır. Qısa müddətdə 876 mənzil inşa edilərək neftayıranlara verilmişdir. Onlar üçün salınmış kompleksdə 844 şagir yeri olan Heydər Əliyev adına lisey inşa edilmişdir.
Yığıncaqda bir qrup neftayırana mükafatlar təqdim olunmuşdur.
Bölmənin digər xəbərləri
