Evlərdən kondisioner və velosiped oğurlayan şəxs yaxalanıb
Bakı, 15 yanvar, AZƏRTAC
Binəqədi rayonunda oğurluqla məşğul olan şəxs tutulub.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayon ərazisindəki bir evdən 5 min manat dəyərində elektrik naqili və bir həyətyanı sahədən kondisioner oğurlamaqda şübhəli bilinən Siyəzən rayon sakini, əvvəllər məhkum olunmuş F.Muradov Binəqədi Rayon Polis İdarəsinin 4-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Onunla bağlı aparılmış tədbirlər nəticəsində həmin şəxsin daha bir həyətdən kondisioner, bir evin zirzəmisindən isə 1000 manat dəyərində velosiped oğurladığı müəyyənləşdirilib.
Faktla əlaqədar araşdırma aparılır.
Bölmənin digər xəbərləri
