FAKTİKİ HAVA: Sarı xəbərdarlığa uyğun olaraq Bakıda və Abşeron yarımadasında külək güclənib
Bakı, 16 fevral, AZƏRTAC
Milli Hidrometeorologiya Xidmətinin fevralın 16-sı saat 10:00-a olan məlumatına əsasən ölkə ərazisində hava şəraiti əsasən yağmursuz keçib, lakin 15-i günün birinci yarısında bəzi yerlərdə arabir yağıntılı olub.
Bu barədə AZƏRTAC-a Milli Hidrometeorologiya Xidmətindən məlumat verilib.
Bildirilib ki, dağlıq rayonlara qar yağıb, yağan qarın hündürlüyü Lerikdə 18, Qrızda 16, Şahdağda 9, Şahbuzda 7, Daşkəsəndə 3, Qusarda (Ləzə) 2, Xaltan, Yardımlıda 1 santimetr olub.
Qərb küləyi əsib. Sarı xəbərdarlığa uyğun olaraq küləyin sürəti Sədərək, Daşkəsən, Qobustanda 18 metr/saniyə, Bakıda və Abşeron yarımadasında 15 metr/saniyəyədək güclənib.
Naxçıvan, Şərur, Daşkəsən, Gədəbəy, Balakən, Şəki, Qəbələ, Şamaxı, Qobustan, Xaltan, Yevlax, Göyçay, Zərdab, Cəfərxan, Lerik, Ağdamda duman müşahidə olunur.
Dumanda görünüş 500-1000 metrədək məhdudlaşıb.
Havanın temperaturu Bakıda və Abşeron yarımadasında 6, Aran rayonlarında 4 dərəcəyədək isti, Naxçıvan Muxtar Respublikasında 8, dağlıq rayonlarda 14 dərəcəyədək şaxta qeydə alınıb.
Bölmənin digər xəbərləri
