FED-in 10 il sonra ilk dəfə uçot dərəcəsini azaldacağı gözlənilir
Bakı, 29 iyul, AZƏRTAC
ABŞ Federal Ehtiyat Sisteminin (FED) son 10 ildə ilk dəfə uçot dərəcəsini aşağı salacağı nəzərdə tutulur.
AZƏRTAC xəbər verir ki, bazar proqnozları FED-in bu həftə keçiriləcək iclasında uçot dərəcəsinin 0,25 faiz azaldılacağı istiqamətindədir.
Ekspertlər beynəlxalq bazarlar tərəfindən də diqqətlə izləniləcək FED-in iclasında zəifləyən qlobal iqtisadi vəziyyət və artan ticari gərginliklər fonunda bankın 2008-ci ildəki qlobal iqtisadi böhrandan bəri ilk dəfə uçot dərəcəsini azaldacağını gözləyirlər.
Uçot dərəcəsinin azaldılması qlobal iqtisadiyyatın 1854-cü ildən indiyədək ən böyük uzunmüddətli artım göstərdiyi, işsizliyin rekord aşağı səviyyədə olduğu və birjaların dəyərinin maksimuma çatdığı bir vaxtda baş verəcək.
Bölmənin digər xəbərləri
