FƏLƏSTİN PARLAMENTİ YASİR ƏRƏFATIN ÖLÜMÜNÜN SƏBƏBLƏRİNİ ARAŞDIRACAQ
Bu qərar Fələstin Səhiyyə Nazirliyinin məruzəsi öyrənildikdən sonra qəbul olunmuşdur. Məruzədə Ərəfatın ölümünün təbii səbəblərinə şübhə olunduğu bildirilir.
Xatırladaq ki, Fələstin lideri 2004-cü il noyabrın 11-də Parisin “Persi” hərbi hospitalında vəfat etmişdir. Onun ölümü haqqında tibbi rəy ictimaiyyətdən uzun müddət gizli saxlanılmışdır. Bu ilin avqustunda İsrail jurnalistləri və həkimləri Ərəfatın xəstəlik tarixçəsi və “Persi” hospitalının tibbi rəyi ilə tanış ola bilmişlər.
Qəzetin məlumatına görə, “Persi” hospitalının verdiyi sənədlərdə Ərəfatın ölümünün üç mümkün səbəbi göstərilir: QİÇS, zəhərlənmə və ya naməlum infeksiya.
Fələstin Muxtariyyəti liderinin ölümünün bilavasitə səbəbi beyinə güclü qan sızması ilə bağlıdır. Fransa həkimləri öz rəyində yazmışlar ki, “xəstənin ölümünə gətirib çıxaran əlamətlər kombinasiyası çətin müəyyən edilən kombinasiya olaraq qalır”.
Fələstin Muxtariyyətinin bəzi nümayəndələri Yasir Ərəfata zəhər verilməsində İsrailin xüsusi orqanlarını təqsirləndirmişlər. İsrail bu ittihamları rədd edir.
Bölmənin digər xəbərləri
