FIFA Rusiyadakı dünya çempionatından 6,1 milyard dollar gəlir götürəcək
Bakı, 13 iyun, AZƏRTAC
FIFA Rusiyada keçiriləcək dünya çempionatından 6,1 milyard dollar gəlir götürəcək.
AZƏRTAC TASS informasiya agentliyinə istinadla xəbər verir ki, bu məbləğ 2014-cü ildə Braziliyada təşkil olunmuş mundialdakı gəlirdən 1,3 milyard dollar çoxdur. Yayım hüquqlarından əldə olunan vəsait 2 faiz artıb. Həmçinin FIFA sponsorluq müqavilələri nəticəsində gözləniləndən 200 milyon dollar çox gəlir əldə edəcək. Bu, Çin şirkətləri ilə əməkdaşlığın genişləndirilməsi sayəsində mümkün olub. Dünya çempionatına sponsorluq edən 20 şirkətdən 7-si Çini təmsil edir. 2014-cü ildəki mundialda isə Çinin yalnız bir şirkəti var idi.
İyunun 14-dən iyulun 15-dək davam edəcək XXI dünya çempionatının oyunları Rusiyanın 11 şəhərində keçiriləcək.
Bölmənin digər xəbərləri
