ELM VƏ TƏHSİL
Filosof alimin məqaləsi beynəlxalq jurnalda dərc olunub
![Filosof alimin məqaləsi beynəlxalq jurnalda dərc olunub](/files/2024/1/1200x630/1706693235843750581_1200x630.jpg)
Bakı, 31 yanvar, AZƏRTAC
AMEA-nın Fəlsəfə və Sosiologiya İnstitutunun şöbə müdiri Xatirə Quliyevanın “Dünyagörüşü konsepsiyası: Tarix və müasirlik (Lütfi Zadənin dünyagörüşü kontekstində)” sərlövhəli məqaləsi ABŞ-da “China-USA Buisness Review” jurnalında dərc olunub.
İnstitutdan AZƏRTAC-a bildirilib ki, məqalə filosof alimin dünyaşöhrətli alim Lütfi Zadə haqqında yazdığı və ötən il “Lampert” akademik nəşriyyatı tərəfindən 7 dildə dərc olunmuş monoqrafiyası əsasında yazılıb.
Xatırladaq ki, “China-USA Buisness Review” jurnalı bundan əvvəl Xatirə Quliyevanın “Azərbaycançılıq ideologiyasından multikulturalizmə kimi milli mədəniyyətlərarası dialoq fəlsəfəmiz” və “Süni zəkanın tarixi, metodologiyası və hipotezi” adlı məqalələrini dərc edib.