FÖVQƏLADƏ HALLAR ÜZRƏ DÖVLƏT KOMİSSİYASININ MƏLUMATI
Bu məlumatı alandan dərhal sonra qəzaya uğramış gəmi heyətinin xilas edilməsi məqsədi ilə Azərbaycanın Fövqəladə Hallar üzrə Dövlət Komissiyası Qazaxıstanın Azərbaycandakı səfirliyinə, Fövqəladə Hallar Nazirliyinə və Sərhəd Qoşunları Komandanına müraciət etmişdir. Operativ əlaqə nəticəsində Qazaxıstanın sərhəd dəstəsi ilə Fövqəladə Hallar üzrə Xidmətinin mütəxəssisləri tərəfindən birgə xilasetmə işlərinə başlanılmışdır. Mürəkkəb hava şəraitinə görə xilasedicilər bir neçə saat ərzində gəmiyə yaxınlaşa bilməmişlər. Yalnız yanvarın 18-də gecə saat 2-3 radələrində gəmi kapitanı Qazıyev Mətləb Məmmədhüseyn oğlu, heyət üzvləri Babayev Əziz Nəsif oğlu, Ağayev Rauf Tofiq oğlu, Abdullayev Vüqar Əsəd oğlu, Əliyev Zöhrab Nurəli oğlu, Xantəmirov Füzuli Sabir oğlu, Qazıyev Rəşad Mətləb oğlu və Mövsümov Vahid Xasbulat oğlu qayıqlar vasitəsilə qəzaya uğramış gəmidən götürülərək, Qazaxıstanın sərhəd gəmisinə gətirilmiş və həmin gəmi ilə Bautino limanına çatdırılmışlar. Limanda onlara lazımi tibbi və digər yardımlar göstərilmişdir. Gəmi heyəti üzvlərinin vəziyyəti qənaətbəxşdir. Baş vermiş qəza ilə əlaqədar araşdımalar aparılır.
Xilasetmə əməliyyatlarının əlaqələndirilməsində və uğurla həyata keçirilməsində Azərbaycanın Qazaxıstandakı səfirliyi və Dövlət Sərhəd Xidməti fəal iştirak etmişdir.
