FRANSADA NARKOTİK MADDƏLƏRƏ QARŞI MÜBARİZƏ GÜCLƏNDİRİLƏCƏK

01.08.2004 [02:55]
Çap et
A⁺ A^-

AZƏRTAC-ın xüsusi müxbiri xəbər verir ki, son zamanlar Fransada yeniyetmələr və gənclər arasında narkotik maddələrə meyl güclənməkdədir və onlardan istifadə halları artmaqdadır. Statistik məlumatdan aydın olur ki, 1993 - 2002-ci illərdə qızların 50, oğlanların isə 66 faizi kiçik dozalı narkotik maddələrin dadına baxmış, gənclərin isə 24 faizi mütəmadi olaraq narkotk maddədən istifadə etmişdir. Təkcə 2002-ci ildə narkotik maddələrə aludə olanların sayı 73449 nəfərə çatmışdır. 2001- ci ildə həbs edilmiş 71667 məhbusun 8 faizini narkotik maddədən istifadə edənlər təşkil etmişdir.

Ölkədə yaranmış vəziyyət ictimaiyyətin ciddi narahatlığına səbəb olmuş, xüsusilə 18 yaşlılar arasında narkotk maddələrin yüngül formasından istifadə hallarının artması dövləti ciddi tədbirlərə əl atmağa vadar etmişdir. Bu məqsədlə dövlətin 13 dekabr 1970-ci ildə narktik maddələrdən istifadə halları ilə bağlı qanununda dəyişiliklər edilməsi qərara alınmışdır.Həmin qanuna görə narkotik maddədən istifadə edənlərə bir illik həbs cəzası verilir və 750 avro cərimə kəsilirdi. Dövlət yaranmış vəziyyətti aradan qaldırmaq, narkotik maddələrə qarşı ciddi mübarizə aparmağ məqsədi ilə 2005-ci ildən informasiya kampaniyasına başlamağı, təhsil sistemində nəzarəti gücləndirməyi və narkotik maddələrin gizli yollarla ölkəyə gətirilməsinin qarşısını almağı qərara almışdır.

FRANSADA NARKOTİK MADDƏLƏRƏ QARŞI MÜBARİZƏ GÜCLƏNDİRİLƏCƏK

MÜƏLLİFLƏ ƏLAQƏ

Bölmənin digər xəbərləri