Fransalı şahmatçı Maksim Vaşe-Laqrav canlı reytinqdə dünya birincisi olub
Bakı, 14 dekabr, AZƏRTAC
Fransalı qrossmeyster Maksim Vaşe-Laqrav London klassik şahmat turnirində inamlı çıxışı ilə tarixi uğura imza atıb.
AZƏRTAC “chess.az” saytına istinadla xəbər verir ki, blits üzrə yarışda erməni şahmatçı Levon Aronyan üzərində parlaq qələbədən sonra fransalı qrossmeyster 2948,2 ELO xalı ilə canlı reytinqdə Maqnus Karlseni keçərək dünyada birinci pilləyə yüksəlib.
London turnirində cəmi dörd şahmatçı - Fabiano Karuana, Levon Aronyan, Hikaru Nakamura və Maksim Vaşe-Laqrav mübarizə aparırlar. Turnirdə şahmatçılar dairəvi sistem üzrə klassik, rapid və blits üzrə partiyalarda üz-üzə gəlirlər.
Turnir dekabrın 17-dək davam edəcək.
Bölmənin digər xəbərləri
