FRANSANI OLİMPİYA OYUNLARINDA 318 İDMANÇI TƏMSİL EDƏCƏKDİR

28.07.2004 [11:42]
Çap et
A⁺ A^-

AZƏRTAC-ın xüsusi müxbiri xəbər verir ki, Afina Olimpiya oyunlarında Fransa 318 idmançi ilə təmsil olunacaqdır.

Sidneydə Olimpiadasında 38 medal qazanaraq altıncı yeri tutmuş Fransanın bu dəfə 111 qadın və 207 kişidən ibarət komandasını 230 nəfər müşayiət edəcəkdir.

Qılıncoynatma üzrə iki dəfə olimpiya çempionu olmuş Fransanın idman naziri Jan-Fransua Lamur Afina Olimpiadasının əhəmiyyətindən danışarkən qeyd etmişdir ki, 201 ölkədən 10500 idmançının iştirak edəcəyi Afina yay olimpiya oyunları tarixiliyinə görə ən mühüm hadisə olacaqdır. Fransız idmançıları da bu sınağa ciddi hazırlaşmışlar və medallar uğrunda yarışlarda uğurla çıxış edəcəklər.

Xatırladaq ki, 2000-ci ildə Sidneydə keçirilmiş yay olimpiya oyunlarında fransız idmançılarının qazandıqları 38 medaldan 13-ü qızıl olmuşdur.