FRANSANI YENİDƏN İZDİHAMLI NÜMAYİŞ DALĞASI BÜRÜMÜŞDÜR
Ən güclü aksiya ölkənin paytaxtı Parisdə qeydə alınmışdır. Nümayişdə iştirak etmiş 750 min tələbə, lisey şagirdi və müxtəlif müəssisələrin işçiləri hökumətdən gənclərin iş hüququnu pozan yeni müqavilənin ləğvini tələb etmiş, “Gələcəyə hüquq” və “Gənclərə yol verməli” şüarlarını səsləndirmişlər. Ölkənin tanınmış siyasətçiləri, bir çox müxalifət partiyaların liderləri də nümayişçilərə qoşulmuşlar.
Tələbələrin adi günlərdə toplaşdıqları Sorbon meydanı ictimaiyyətin üzünə bağlanmışdır.
Polisin ciddi səyinə baxmayaraq Nosyon meydanında toplaşmış nümayişçilər dağıntılar törətmiş, zorakılıq tədbirlərinə əl atmış, asayişi bərpa etmək istəyən qüvvələrin üzərinə yandırıcı maddələr atmışlar. Sonda polislə tələbələr arasında qarşıdurma olmuş, 4 polis əməkdaşı və 12 nümayişçi yaralanmış, 14 gənc saxlanılmışdır.
Parisdən sonra ən güclü nümaiyş ölkənin liman şəhəri Marseldə baş vermişdir. Burada 130 min, Bordoda 55, Renndə və Lildə 30, Lionda 25, Tuluzda 20 min adamın nümayişdə iştirak etdiyi bildirilir.
