GƏNC LİDERLƏRİN BEYNƏLXALQ EKOLOJİ DÜŞƏRGƏSİNDƏ AZƏRBAYCAN DA TƏMSİL OLUNACAQDIR
Bakı, 20 avqust (AZƏRTAC). Beynəlxalq “350.org” təşkilatı avqustun 21-dən 30-dək Türkiyədə Gənc liderlərin beynəlxalq ekoloji düşərgəsini təşkil edəcəkdir. Düşərgədə Azərbaycanı Gənclər üçün Təhsil Mərkəzinin direktor müavini Günay Sadıxova təmsil edəcəkdir.
Avropa və Asiyadan olan gənc liderlərin iştirak edəcəyi düşərgənin məqsədi qlobal iqlim dəyişikliyi və dünyada baş verən ekoloji problemlərə gənclərin münasibətini öyrənmək, ideya və təkliflərini müəyyən etməkdir.
Tədbirdə gənc liderlər üçün müxtəlif mövzularda seminarlar keçiriləcək, işçi qruplarda müzakirələr aparılacaq və təkliflər hazırlanacaqdır.
Bölmənin digər xəbərləri
