Gəncədə vəkillər məhkumlara hüquqi yardım göstəriblər
Bakı, 22 may, AZƏRTAC
Vəkillər Kollegiyası və Ədliyyə Nazirliyinin Probasiya xidməti tərəfindən probasiya qeydiyyatında olan şəxslərin hüquq və azadlıqlarının təmin olunması məqsədilə pulsuz hüquqi yardım aksiyaları mütəmadi olaraq davam etdirilir. Bu sahədə növbəti hüquqi yardım aksiyası mayın 22-də Vəkillər Kollegiyasının Hüquqi Yardım Mərkəzinin təşkilatçılığı ilə Probasiya xidmətində həyata keçirilib.
Vəkillər Kollegiyasından AZƏRTAC-a verilən məlumata görə, aksiya çərçivəsində Gəncə Regional Vəkil Bürosunun vəkilləri tərəfindən Ədliyyə Nazirliyinin Gəncə şəhər Probasiya idarəsinin qeydiyyatında olan 12 nəfər qəbul edilib.
Məhkumların qarşılaşdıqları hüquqi problemlər dinlənilib, onların həlli ilə bağlı müvafiq tədbirlər görülüb, eləcə də müxtəlif hüquqi məsələlər üzrə şifahi və yazılı izahatlar verilməklə pulsuz hüquqi yardım göstərilib.
Bölmənin digər xəbərləri
