Göyçayda şəhidlərin xatirəsinə ağacəkmə kampaniyası keçirilib
Göyçay, 11 dekabr, AZƏRTAC
Göyçay rayonunda torpaqlarımızın azadlığı uğrunda döyüşlərdə şəhidlik zirvəsinə ucalanların xatirəsinə ağacəkmə kampaniyası keçirilib.
AZƏRTAC-ın bölgə müxbiri xəbər verir ki, rayon icra hakimiyyətinin təşəbbüsü ilə şəhid hərbçilərin xatirəsinə keçirilən kampaniyada icra hakimiyyətinin və kənd icra nümayəndələrinin işçiləri, bələdiyyələr, könüllülər fəal iştirak ediblər. Şitillər Bakı-Şamaxı-Yevlax avtomobil yolunun rayonun Qarabaqqal kəndi ərazisindən keçən hissəsində əkilib. Ümumilikdə 2783 ədəd şitil əkilib ki, əkində əsasən rayonun simvolu olan nar, habelə həmişəyaşıl ağacları olub.
Ağacəkmə ölkədə tətbiq olunan xüsusi karantin rejimi qaydalarına uyğun təşkil olunub.
Bölmənin digər xəbərləri
