GÖYGÖL MEŞƏLƏRİNDƏ YANĞINA QARŞI QABAQLAYICI TƏDBİRLƏR GÖRÜLÜR
Göygöl, 17 avqust (AZƏRTAC). Son vaxtlar havaların isti və quraq keçməsi meşə massivlərində bir sıra yanğın hadisələri törətmişdir ki, bunun da nəticəsində təbiətə xeyli zyan dəymişdir. Bütün bunların qarşısını almaq məqsədi ilə Göygöl rayon meşə mühafizəsi və bərpası idarəsinin kollektivi qabaqlayıcı tədbirlər görür.
İdarənin rəisi İqbal Əliyev AZƏRTAC-a bildirmişdir ki, kollektiv gücləndirilmiş iş rejiminə keçmişdir. Hər gün işin sonunda keçirilən qərargah yığıncaqlarında meşə gözətçilərinin məlumatları dinlənilərək müzakirə edilir. Nöqsan aşkar edilmiş ərazilər nəzarətə götürülərək vətəndaşlar arasında təbliğat işləri aparılır. Bundan başqa, qurumuş ağaclar meşələrdən çıxarılır.
Bütün bu tədbirlərin sentyabrın sonunadək davam etdirilməsi nəzərdə tutulmuşdur.
Bölmənin digər xəbərləri
