“Gürcü Arzusu” siyasi şurası konqresmen Co Ulson ilə bağlı sərt bəyanat yayıb
Tbilisi, 8 yanvar, AZƏRTAC
Gürcüstanın hakim “Gürcü Arzusu-Demokratik Gürcüstan” partiyasının siyasi şurası konqresmen Co Ulsonun Gürcüstan ilə bağlı hazırlanmış “Dostluq aktı”nı yenidən ABŞ Konqresində müzakirəyə təqdim etməsi ilə bağlı bəyanat yayıb.
AZƏRTAC xəbər verir ki, yanvarın 8-də partiya rəhbərliyinin və siyasi şurasının üzvlərinin iştirakı ilə geniş toplantı keçirilib.
Qəbul edilmiş bəyanatda deyilir ki, avropalı təqaüdçülərdən alınan pullar bir amerikalı təqaüdçü Co Ulson üçün istifadə olunur. Bu, “Fərqli dövlət”in ən ciddi təzahürlərindən biridir, bunu etməyənlər isə cəzalandırılırlar.
Sənəddə deyilir: “Qlobal Müharibə Partiyası”nın təsiri altında müasir dünyada “Oruell prinsipi” fəaliyyət göstərir. Onların fikrincə “müharibə sülhdür, köləlik azadlıqdır, cəhalət isə gücdür”. Müharibə, köləlik, cəhalət və hər şeyin tərsinə təmsil olunması “Qlobal Müharibə Partiyası”nın müasir dünyanın ən böyük hissəsini qeyri-rəsmi şəkildə idarə etdiyi əsas alətdir”.
Bundan əlavə, bəyanatda qeyd edilir ki, amerikalı konqresmen Co Uilsonun Gürcüstanla bağlı məzmununa görə ancaq “düşmən aktı” adlandırıla bilən “dostluq aktı” qəbul olunub. Bununla da, “Dərin dövlət” öz siyasi tapşırığını yerinə yetirir və Gürcüstanı sanksiyalarla şantaj edir.
Hakim partiyanın siyasi şurasının qərarına əsasən Co Uilson “Dərin dövlət”in ən pis təzahürlərindən biridir və müharibəyə getməsə Gürcüstanı cəzalandırmaqla açıq şəkildə hədələyən, siyasi mədəniyyəti sıfır olan alçaldılmış siyasətçidir.
Məlumat üçün qeyd edək ki, siyasi şuranın iclasında “Qlobal Müharibə Partiyası”nın fəaliyyəti, partiyanın fəxri sədri Bidzina İvanişviliyə qarşı tətbiq olunan sanksiyalar, ABŞ-ın və Qərbin təzyiqləri müzakirə olunub, müvafiq bəyanatlar qəbul edilib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
