Gürcüstan Azərbaycanlıları Konqresi Ermənistanın son hərbi təxribatını pisləyir
Tbilisi, 17 iyul, AZƏRTAC
Gürcüstan Azərbaycanlıları Konqresi (GAK) Ermənistan silahlı qüvvələrinin Tovuz istiqamətində törətdikləri təxribatla bağlı bəyanat yayıb.
Bu barədə AZƏRTAC-a GAK-dan məlumat verilib.
Bəyanatda deyilir: iyulun 12-dən başlayaraq erməni silahlı birləşmələri Dağlıq Qarabağdan xeyli uzaqda, Azərbaycanın dövlət sərhədinin Tovuz bölgəsində atəşkəsi pozaraq təxribat törədiblər. Onların bu hərəkəti Gürcüstanda yaşayan yüz minlərlə azərbaycanlının dərin hiddətinə və qəzəbinə səbəb olub.
Azərbaycan Ordusunun bölmələri əks tədbirlər görərək düşmənə layiqli cavab verib. Ermənilər itki verərək geri çəkilməyə məcbur olublar. Bir neçə gün davam edən döyüşlərdə Azərbaycan ordusu da şəhid verib. Erməni cəlladlarının heç bir müharibə qanununa uyğun olmayan təxribatı və mülki insanlara atəş açması nəticəsində dinc insanlara da çoxlu ziyan dəyib.
Biz, Gürcüstanda yaşayan azərbaycanlılar şəhidlərə Allahdan rəhmət diləyir, Vətən sağ olsun deyirik”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
