Gürcüstan bu il 802,8 milyon kubmetr Azərbaycan təbii qazı alıb
Tbilisi, 19 may, AZƏRTAC
Gürcüstan cari ilin yanvar-aprel aylarında Azərbaycandan 802,8 milyon kubmetr həcmində təbii qaz idxal edib.
AZƏRTAC xəbər verir ki, bu barədə Gürcüstanın Milli Statistika İdarəsi məlumat yayıb. Bildirilir ki, Azərbaycanın Gürcüstana ixrac etdiyi təbii qazın ümumi dəyəri 136,8 milyon ABŞ dolları təşkil edib. İllik müqayisədə Gürcüstanın Azərbaycandan tədarük etdiyi təbii qazın həcmi 6,3 faiz azalıb.
Dörd ayda Gürcüstan ümumilikdə 157,7 milyon dollarlıq təbii qaz tədarük edib. Bu da illik müqayisədə 1 faiz çoxdur. Gürcüstanın təbii qaz tədarükünün ümumi idxalındakı payı 6,4 faizə bərabər olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
