Gürcüstan cari ildə tədarük etdiyi elektrik enerjisinin 52,4 faizini Azərbaycandan alıb
Tbilisi, 15 may, AZƏRTAC
Gürcüstan yanvar-aprel aylarında 780,4 milyon kilovat/saat elektrik enerjisi idxal edib. Bu həcmin 52,4 faizi Azərbaycandan alınıb.
AZƏRTAC xəbər verir ki, bu barədə “Gürcüstanın Elektrik Enerjisi Sisteminin Kommersiya Operatoru”nun (ESCO) hesabatında deyilir.
Bildirilir ki, hesabat dövründə Gürcüstan Azərbaycandan 409,3 milyon kilovat/saat elektrik enerjisi alıb.
Gürcüstan Rusiyadan isə 371 milyon kilovat/saat elektrik enerjisi tədarük edib. Bu həcm Gürcüstanın idxal etdiyi ümumi elektrik enerjisinin 47,5 faizini təşkil edib.
Dörd ayda Azərbaycan Gürcüstandan keçməklə Türkiyəyə 51,09 milyon kilovat/saat elektrik enerjisinin tranzitini həyata keçirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
