Gürcüstan hökuməti Atom Enerjisi üzrə Beynəlxalq Agentliyin Baş Konfransında bəyanatla çıxış edib
Tbilisi, 18 sentyabr, AZƏRTAC
Vyanada Atom Enerjisi üzrə Beynəlxalq Agentliyin 69-cu Baş Konfransında Gürcüstan hökuməti bəyanatla çıxış edib.
AZƏRTAC xəbər verir ki, bu barədə Gürcüstan Xarici İşlər Nazirliyi məlumat yayıb.
Bildirilib ki, konfrans çərçivəsində Gürcüstanın xarici işlər nazirinin müavini Laşa Darsalia ölkəsi adından bəyanatla çıxış edib. Bəyanatda deyilir ki, Gürcüstan nüvə texnologiyalarının təhlükəsiz və dinc məqsədlərlə istifadəsinin təşviqində Agentliyin missiyasını və fəaliyyətini qətiyyətlə dəstəkləyir.
“Nazir müavini Qara dəniz regionunda nüvə təhlükəsizliyinin vacibliyini vurğulayıb və qeyd edib ki, regionun sabitliyi beynəlxalq sülhün və təhlükəsizliyin təmin edilməsi baxımından xüsusi əhəmiyyət kəsb edir.
Nazir müavini bildirib ki, Gürcüstan Agentliyin mandatına sadiqdir, həmçinin sülhün və təhlükəsizliyin təşviqi üçün bütün üzv dövlətlərlə əməkdaşlığa hazırdır.
AZƏRTAC-ın xüsusi müxbiri
Tbilisi
Bölmənin digər xəbərləri
