GÜRCÜSTAN PREZİDENTİ AZƏRBAYCANIN XARİCİ İŞLƏR NAZİRİNİ QƏBUL ETMİŞDİR
E.Məmmədyarov görüşdən sonra jurnalistlərə Gürcüstan Prezidenti ilə söhbətin çox səmərəli olduğunu, siyasi, iqtisadi xarakterli məsələlərin müzakirə edildiyini bildirmişdir. O demişdir ki, görüşdə regional və beynəlxalq məsələlər, Bakı-Tbilisi-Ceyhan neft, Bakı-Tbilisi-Ərzurum qaz kəmərlərinin, Qars-Axalkalaki dəmir yolunun çəkilişi, münaqişələrin tənzimlənməsi və digər məsələlər barədə fikir mübadiləsi aparılmışdır. Həm Azərbaycan, həm də Gürcüstan tərəfinin mehriban qonşuluq, strateji tərəfdaşlıq münasibətlərinin daha da möhkəmləndirilməsinə böyük əhəmiyyət verdiyi vurğulanmışdır.
Azərbaycanın Tbilisidəki səfiri Ramiz Həsənov və Gürcüstanın Bakıdakı səfiri Zurab Qumberidze qəbulda iştirak etmişlər.
X X X
Həmin gün Elmar Məmmədyarov, Azərbaycan Respublikasının Gürcüstandakı səfiri Ramiz Həsənov və Azərbaycan nümayəndə heyətinin üzvləri Tbilisidə ümummilli liderimiz Heydər Əliyevin adını daşıyan parka getmiş, buradakı xatirə abidəsi önünə əklil qoymuşlar.
Bölmənin digər xəbərləri
