GÜRCÜSTAN PREZİDENTİ YANINDA ƏFV MƏSƏLƏLƏRİ KOMİSSİYASININ ƏMƏKDAŞI ÖZÜNÜ ÖLDÜRMÜŞDÜR
AZƏRTAC-ın xüsusi müxbiri xəbər verir ki, Gürcüstan Prezidenti yanında əfv məsələləri komissiyasının üzvü, 32 yaşlı Georgi Xelaşvili Tbilisinin Mardanaşvili küçəsindəki mənzilində həlak olmuşdur.
Hüquq mühafizə orqanlarının ilkin məlumatına görə, o, qonşudan odlu silah alıb və həmin silahla özünü qətlə yetirmişdir. Ehtimal edilir ki, onun özünü öldürməsi şəxsi xarakter daşıyır və xidməti fəaliyyəti ilə bağlı deyildir.
Xelaşvilinin işlədiyi komissiya ağır olmayan cinayətlər törətməyə görə cəza çəkən məhbusların əfv edilməsi barədə materiallar hazırlanması məsələləri ilə məşğuldur.
Tbilisinin Didube-Çiqureti rayonunun polis idarəsi hadisə ilə bağlı təhqiqat aparır.
Bölmənin digər xəbərləri
