GÜRCÜSTAN SƏRHƏDİNİ QANUNSUZ KEÇƏN İRAN VƏTƏNDAŞI TUTULMUŞDUR
AZƏRTAC-ın xüsusi müxbiri xəbər verir ki, Tbilisi beynəlxalq hava limanında Gürcüstan sərhədini qanunsuz keçən İran vətəndaşı Həsən Əhredani tutulmuşdur. Sərhədçilər onun sənədini yoxlayarkən aydın olmuşdur ki, H.Əhredani Gürcüstana Almaniya vətəndaşının adına verilmiş saxta pasportla Türkiyədən gəlmişdir. O, İtaliyaya işləməyə getmək istədiyini bildirmişdir.
Gürcüstan Sərhəd Mühafizə Departamenti operativ istintaq idarəsinin rəisi Revaz Sixarulidze demişdir ki, H.Əhredani əmək miqrantıdır. O, Avropaya öz sənəti - xalça toxumaq sahəsində iş axtarmağa getmək niyyətində olduğunu bildirmişdir.
Hadisə ilə bağlı təhqiqat aparılır.
Bölmənin digər xəbərləri
