Gürcüstanda Pasxa bayramı müəyyən qadağalarla qeyd olunur
Tbilisi, 2 may, AZƏRTAC
Mayın 2-də Gürcüstanın xristian əhalisi Pasxa bayramını qeyd edir.
AZƏRTAC xəbər verir ki, ölkə ərazisindəki kilsələrdə inanclı insanların iştirakı ilə dini ayinlər yerinə yetirilir.
Patriarx, İkinci İlia, dövlət və hökumət rəsmiləri Pasxa münasibətilə bu bayramı qeyd edənləri təbrik edib.
Qeyd edək ki, koronavirusun qarşısının alınması məqsədilə mayın 2-dən 4-dək insanların qəbirisitanlıqları ziyarət etməsi qadağan edilib. Bu qaydanı pozanları 2000 lari cərimə gözləyir.
Bundan başqa mayın 3-dən 12-dək ölkə miqyasında rəsmi tətil elan edilib.
Tətil zamanı şəhərdaxili ictimai nəqliyyatın fəaliyyəti dayandırılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
