Gürcüstanın Acarıstan bölgəsində torpaq sürüşməsi baş verib
Tbilisi, 20 dekabr, AZƏRTAC
Güclü yağışlar və qar Gürcüstanın Acarıstan bölgəsində ciddi problemlər yaradıb.
AZƏRTAC xəbər verir ki, güclü leysan yağışları nəticəsində Acarıstanın Şuaxevi bələdiyyəsinin mərkəzi avtomobil yolunda torpaq sürüşməsi baş verib.
Xulo, Şuaxevi, Keda və Xelvaçuri bələdiyyələri ərazilərində xüsusi texnikalar yolun bərpası işlərinə cəlb olunub.
Bundan başqa, yolların qardan təmizlənməsi işləri də aparılır.
Magistral yolda avtomobillərin hərəkəti tam dayandırılıb, bəzi ərazilərə elektrik enerjisi və təbii qazın verilməsində problemlər yaranıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
