GÜRCÜSTANIN YÜKSƏK MÜKAFATI İLƏ TƏLTİF EDİLMİŞDİR
Borçalının tanınmış ziyalılarından olan Yaqub Bayramov Gürcüstan Dövlət Aqrar Universitetinin Kvemo Kartli - Borçalı bölgə İnstitutunun beynəlxalq əlaqələr üzrə prorektoru, Gürcüstan Prezidenti Eduard Şevardnadzenin Sərəncamına əsasən “Şərəf” ordeni ilə təltif edilmişdir. Yaqub Bayramovun istedadlı pedaqoq kimi fəaliyyəti, gənc nəslin təlim-tərbiyəsi sahəsində xidmətləri Gürcüstan dövləti tərəfindən dəfələrlə yüksək qiymətləndirilmişdir. İndi isə o, bölgədə yaşayan müxtəlif millətlərin nümayəndələri arasında dostluq münasibətlərinin və xarici ölkələrlə faydalı əlaqələrin inkişaf etdirilməsinə böyük şəxsi töhfəsinə, səmərəli pedaqoji və ictimai fəaliyyətinə görə bu mükafata layiq görülmüşdür.
Orta məktəbdə fizikanın tədrisinə dair dərsliyin müəllifi olan dosent Yaqub Bayramov həm də xeyriyyəçi kimi tanınmışdır.
Şahismayıl Məmmədov
AZƏRTAC-ın xüsusi müxbiri
Tbilisi
Bölmənin digər xəbərləri
