GÜRCÜSTANLA TÜRKİYƏ MEŞƏ TƏSƏRRÜFATI SAHƏSİNDƏ ƏMƏKDAŞLIĞA DAİR PROTOKOL İMZALAMIŞLAR
AZƏRTAC-ın xüsusi müxbiri xəbər verir ki, Gürcüstan Meşə Təsərrüfatı Departamentinin sədri Bidzina Giorqobiani burada işgüzar səfərdə olan Türkiyə Respublikası meşə təsərrüfatı xidmətinin rəhbəri Osman Qəhvəçi ilə birgə protokol imzalamışdır. Protokolda Türkiyə ilə Gürcüstanın meşə təsərrüfatı sahəsində əməkdaşlığının yaxşılaşdırılması, meşə ziyanvericilərinə qarşı birgə mübarizə və taxta-şalbanı qanunsuz aparanlar əleyhinə tədbirlər görmək nəzərdə tutulur.
Səfər ərəfəsində Osman Qəhvəçinin Tbilisinin Nəbatat bağı, Borjomi rayonu və Acarıstanın meşə təsərrüfatları ilə tanış olacağı, Gürcüstanın təbii ehtiyatların, ətraf mühitin mühafizəsi naziri Tamara Lebanidze ilə görüşəcəyi bildirilir. Səfər sentyabrın 17-də başa çatacaqdır.
Bölmənin digər xəbərləri
