GÜRCÜSTANLI ƏLİL AZƏRBAYCANDAN YARDIM ALIB
Yataq xəstəsi olan 29 yaşlı Kamranın valideynləri Gürcüstanda yardım üçün müxtəlif təşkilatlara müraciət etsələr də, bir nəticə hasil olmamışdır. Nəhayət, Almaz kişi Azərbaycan Respublikasının Prezidenti İlham Əliyevə müraciət etmişdir. Prezident İlham Əliyev Şəmkir Rayon İcra Hakimiyyətinin rəhbərliyinə şikəstə yardım olunmasına dair göstəriş vermiş və sentyabrın 17-də rayon icra hakimiyyəti başçısı aparatı ümumi şöbəsinin müdiri Sultan Məmmədov Kamran Həsənov üçün ayrılmış əlil arabasını və ərzaq bağlamasını Abdallı kəndinə gətirmiş, gələcəkdə də ona lazımi yardım ediləcəyini bildirmişdir.
İki il ərzində ilk dəfə araba ilə kəndə çıxan Kamranın sevincinin həddi-hüdudu yox idi. O deyir ki, elə bil təzədən dünyaya gəldim, gözüm işıqlandı. Allah Prezidentimiz İlham Əliyevə, səsimə səs verənlərin hamısına kömək olsun!
Kamranın atası Almaz kişi Azərbaycan Respublikasının Prezidenti İlham Əliyevə, Şəmkir rayonu rəhbərliyinə yardım üçün minnətdarlığını bildirmişdir.
