“Hacıqabul” Elektrik Şəbəkəsi Müəssisəsində görülmüş işlər öz nəticəsini verir
Bakı, 31 oktyabr (AZƏRTAC). İstehlakçıların elektrik enerjisi təchizatında yaranacaq hər hansı bir problemin qarşısının vaxtında alınması məqsədi ilə “Hacıqabul” Elektrik Şəbəkəsində təmir işləri həyata keçirilir.
“Azərenerji” ASC-nin mətbuat xidmətindən AZƏRTAC-a bildirmişlər ki, cari ilin 9 ayı ərzində müəssisə üzrə 420-yə yaxın qayda pozuntusu aşkar edilərək 3 milyon 686,8 min kilovat-saata yaxın itirilmiş elektrik enerjisinin 221,2 min manatdan çox istehlak dəyəri bərpa edilmişdir. Müəssisənin xidməti ərazisində yenidənqurma işləri ilə əlaqədar sözügedən dövrdə smartkart tipli sayğacların quraşdırılması məqsədi ilə sayğacların girişinə 260 metrdən artıq koaksal kabel çəkilmişdir. Eyni zamanda 10 və 0,4 kV-lik xətlərin ümumilikdə 2,7 kilometrə yaxın hissəsində təmir işləri həyata keçirilmişdir.
Bölmənin digər xəbərləri
