Hadisə şahidi: V.Xaçaturyan yalnız Meşəli soyqırımında yox, digər cinayətlərdə də iştirak edib
Bakı, 1 noyabr, AZƏRTAC
Ermənilərin Meşəliyə hücumunda iştirak edənlərdən biri də Vaqif Xaçaturyan idi. V.Xaçaturyan hücum edənləri və kənd əhalisini çox gözəl tanıyır. Dekabrın 22-də ermənilər kəndə hücum edərək səsgücləndiricilər vasitəsilə rus və erməni dillərində müraciət edirdilər ki, heç kimi öldürməyəcəyik. Amma insanlar evlərindən çıxan kimi ermənilər onları öldürürdü.
AZƏRTAC xəbər verir ki, bu sözləri 1991-ci il dekabrın 22-də Xocalı rayonunun Meşəli kəndində soyqırımı törətməkdə təqsirləndirilən Vaqif Xaçaturyanın cinayət işi üzrə keçirilən məhkəmə iclasında şahid şəxs qismində ifadə verən Nadir Əsgərov söyləyib.
N.Əsgərov bildirib ki, V. Xaçaturyan yalnız Meşəli soyqırımında yox, digər cinayətlərdə də iştirak edib.
Bölmənin digər xəbərləri
