Hami Aksoy: Türkiyə Aralıq dənizində öz milli sektorunda fəaliyyət göstərir
Ankara, 22 iyul, AZƏRTAC
“Oruç Reis” kəşfiyyat-axtarış gəmisinin Aralıq dənizində fəaliyyət göstərəcəyi sahə Birləşmiş Millətlər Təşkilatının müəyyən etdiyi qitə sərhədləri daxilində və 2012-ci ildə Türkiyə hökuməti tərəfindən TRAPO (Türkiye Petrolleri Anonim Ortaklığı) şirkətinə həvalə edilən su ərazimizdir.
AZƏRTAC xəbər verir ki, bu fikirləri mövzu ilə bağlı açıqlamasında Türkiyə Xarici İşlər Nazirliyinin sözçüsü Hami Aksoy ifadə edib.
Nazirliyin sözçüsü bildirib ki, sözügedən sahədə əvvəllər “Barbaros Hayrettin Paşa” gəmisi kəşfiyyat-axtarış işləri aparıb. Buna baxmayaraq, Yunanıstan tərəfi həmin sahənin öz ərazisi olduğunu iddia etməyə başlayıb. Yunanıstanın bu maksimalist iddiası beynəlxalq hüquqa və məhkəmə qərarlarına təhdiddir.
Anadoludan 2 kilometr, Yunanıstan torpağından isə 580 kilometr aralıda olan bir adaya 40 kilometr diametrlə iddia edilməsini beynəlxalq hüquqa zidd olduğunu bildirərək qəti şəkildə rədd edirik.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
