HAVA METEOHƏSSAS İNSANLAR ÜÇÜN ƏLVERİŞSİZ OLACAQDIR
Bakı, 12 avqust (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, avqustun 13-də ölkə ərazisində hava yağmursuz keçəcəkdir.
Bakıda havanın temperaturu gündüz 37-39 gecə 25-27, Naxçıvanda gündüz 36-38, gecə 20-22, aran bölgəsində gündüz 37-39, gecə 23-25, dağlıq zonada gündüz 28-30, gecə 16-18 dərəcə təşkil edəcəkdir.
Həftənin sonunadək Abşeron yarımadasında kəskin isti və bürkülü hava şəraitinin davam edəcəyi gözlənilir ki, bu da əksər əhali, xüsusən də meteohəssas insanlar üçün əlverişsiz olacaqdır.
Bölmənin digər xəbərləri
