RƏSMİ XRONİKA
HƏMIN GÜN BAŞ NAZIR İLHAM ƏLIYEV BAKIYA QAYIDARKƏN YOLÜSTÜ SAATLIDA DAYANDI
Həmin gün Baş nazir İlham Əliyev Bakıya qayıdarkən yolüstü Saatlıda dayandı. Rayonun minlərlə sakini onu böyük hörmət və məhəbbətlə qarşıladılar. Rayon ağsaqqalları Baş nazir İlham Əliyevi müqəddəs Quranın altından keçirdilər və dedilər ki, biz Sizi alqışlayır, dəstəkləyirik.
Baş nazir ona göstərdikləri hərarətli münasibətə görə rayon sakinlərinə minnətdarlığını bildirərək dedi:
-Əziz saatlılılar, çox sağ olun. Mən də çox şadam ki, sizinlə görüşürəm, zəhmət çəkib gəlmisiniz. Bilin, biz həmişə bir yerdə olacağıq. Həmişə hörmətli cənab Prezidentin siyasətini birlikdə davam etdirəcəyik. Azərbaycan güclənəcək, çiçəklənəcək və möhkəmlənəcəkdir. Hamınızı öpürəm. Çox sağ olun.