Həndbol üzrə Azərbaycan Kubokunda ilk yarımfinalçılar bəlli olub
Bakı, 24 may, AZƏRTAC
Həndbol üzrə XXX Azərbaycan Kubokunun 1/4 final mərhələsinə start verilib.
Azərbaycan Həndbol Federasiyasından AZƏRTAC-a verilən məlumata görə, ilk oyun gününün “AHF Arena”da keçirilən qarşılaşmasında kişilərdən ibarət “Kür” və “Azəryol” komandaları üz-üzə gəliblər. 30:27 hesab ilə qələbə qazanan “Azəryol” ölkə kubokunun yarımfinalına yüksəlib.
İlk oyun gününün digər görüşündə qadınlardan ibarət “Bakı” və “İdman Akademiyası” komandaları qarşılaşıblar. Gərgin mübarizə şəraitində keçən matçda daha inamlı təsir bağışlayan “İdman Akademiyası” 32-21 hesabı ilə qalib gəlib.
Bölmənin digər xəbərləri
