HƏRBİ MANEVRLƏRİN LƏĞV EDİLMƏSİ AFİNA İLƏ ANKARA ARASINDA ETİMAD MÜHİTİ YARANDIĞINDAN XƏBƏR VERİR

21.09.2004 [22:08]
Çap et
A⁺ A^-

Yunanıstanın, Türkiyə və Kiprin hər il payızda keçirilən hərbi manevrləri xoş məram əlaməti olaraq ləğv etməsi Afina ilə Ankara arasında münasibətlərdə yaranmış etimad mühitinin gerçəkləşməsi deməkdir. AZƏRTAC-ın İTAR-TASS agentliyindən aldığı xəbərə görə, bunu BMT Baş Məclisinin sessiyasında iştirak etmək üçün Nyu-Yorkda olan Yunanıstanın xarici işlər naziri Petros Molivyatis bu ölkələrin, ənənəvi olaraq, oktyabrda manevrlər keçirmək barədə qərarına münasibətini bildirərkən açıqlamışdır.

Yunanıstanın yüksək vəzifəli diplomatik mənbəyi bildirmişdir ki, Kipr probleminin həlli və Egey dənizində şelf ərazisi sərhədinin müəyyənləşdirilməsi ilə əlaqədar öz aralarında ziddiyyətlərin qalmasına baxmayaraq, Yunanıstan və Türkiyə ikitərəfli münasibətləri tezliklə yaxşılaşdırmaq üçün səylərini davam etdirməyə hazırdırlar. O vurğulamışdır ki, nazirlərin Nyu-Yorkda görüşündə manevrlərin ləğv edilməsi ilə yanaşı, ilk növbədə, NATO çərçivəsində qarşılıqlı etimadı möhkəmlətmək üçün digər tədbirlər də görmək qərara alınmışdır.

HƏRBİ MANEVRLƏRİN LƏĞV EDİLMƏSİ AFİNA İLƏ ANKARA ARASINDA ETİMAD MÜHİTİ YARANDIĞINDAN XƏBƏR VERİR

MÜƏLLİFLƏ ƏLAQƏ

Bölmənin digər xəbərləri