Hikmət Məmmədov: Ümummilli Lider ekoloji mühitin qorunmasına həmişə xüsusi diqqət yetirib
Bakı, 28 aprel, AZƏRTAC
Xalqımızın Ümummilli Lideri Heydər Əliyev respublikaya rəhbərlik etdiyi bütün dövrlərdə ekoloji mühitin qorunmasına, Bakı şəhərində və regionlarda yeni yaşıllıqların salınmasına xüsusi diqqət yetirib.
AZƏRTAC xəbər verir ki, bu fikirləri Fövqəladə Hallar Nazirliyinin nümayəndəsi Hikmət Məmmədov jurnalistlərə müsahibəsində söyləyib. Bildirib ki, Ulu Öndərin bu mütərəqqi yanaşması, ekologiyaya olan qayğısı Prezident İlham Əliyev tərəfindən xüsusi diqqətlə davam etdirilir.
Diqqətə çatdırıb ki, Fövqəladə Hallar Nazirliyi “Heydər Əliyevin 100 illiyinə 10 min ağac əkək aksiyası” keçirir: “İndiyədək 9 min ağac əkilib və bu gün də min ağacın əkilməsi nəzərdə tutulub. Mayın 10-dək nazirlik tərəfindən aksiya davam etdiriləcək”.
Bölmənin digər xəbərləri
