HİNDİSTAN ALİMLƏRİ İNSULİNİN QƏBULUNUN YENİ ÜSULUNU TAPMIŞLAR

21.09.2004 [15:59]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Hindistan alimləri diabet xəstələrinin insulini qəbul etməsinin yeni üsulunu tapmışlar. Bu, ağrılı gündəlik inyeksiyalardan qurtarmağa imkan verəcəkdir. Tərkibində insulin olan və xəstənin, sadəcə, uda bildiyi xüsusi gelin (kalloid maddə) laboratoriya sınaqları aparılmışdır.

Alimlər insulinin peroral üsulla, yəni udmaqla qəbuluna nail olmağa indiyədək çox cəhd göstərmişdilər. Lakin bunlar bir nəticə verməmişdi, çünki mədə turşusu preparatları parçalayırdı.

Cabalpur şəhərindən olan tədqiqatçıların sözlərinə görə, onların tətbiq etdikləri gel, preparatı bağırsağa çatanadək “qoruyur” və o, yalnız orada sorulur. Mütəxəssislər bildirmişlər ki, laboratoriya sınaqları uğurlu olmuşdur.

İndi alimlər bu geli insanlarda sınaqdan çıxarmağa hazırlaşırlar. Beləliklə, gelin və ya həbin köməyi ilə təkcə diabeti deyil, bağırsaq xərçəngi kimi xəstəlikləri də müalicə etmək mümkün olacaqdır.

HİNDİSTAN ALİMLƏRİ İNSULİNİN QƏBULUNUN YENİ ÜSULUNU TAPMIŞLAR

MÜƏLLİFLƏ ƏLAQƏ

Bölmənin digər xəbərləri