“Hindistanı tanıyaq” inşa müsabiqəsinin qalibləri müəyyənləşdirilib
Bakı, 10 fevral, AZƏRTAC
Azərbaycan Dillər Universitetinin (ADU) Hindi dili və mədəniyyəti mərkəzinin keçirdiyi “Hindistanı tanıyaq” inşa müsabiqəsinin qalibləri müəyyən edilib.
ADU-dan AZƏRTAC-a bildirilib ki, Hindistanın zəngin mədəniyyətini, tarixini, coğrafiyasını tanıtmaq məqsədilə keçirilən müsabiqəyə 29 inşa təqdim olunub. İnşa yarışmasında təkcə ADU-nun tələbələri deyil, digər universitetlərin tələbələri və orta məktəb şagirdləri də iştirak ediblər. ADU-nun tələbəsi Nəzrin Hidayətova və Bakı Slavyan Universitetinin nəzdində məktəb-lisey kompleksinin 9-cü sinif şagirdi Nəzrin Xankişiyeva birinci yerə layiq görülüblər.
Azərbaycan Dövlət Neft və Sənaye Universitetinin 4-cü kurs tələbəsi Aynur Quluzadə və Bakıdakı 53 nömrəli məktəbin 11-ci sinif şagirdi Ramin Əhədov ikinci yeri tutublar. Üçüncü yerləri isə paytaxtdakı 61 və 274 nömrəli orta məktəblərin şagirdləri bölüşüblər.
Digər inşa yazanlara iştirakçı sertifikatları verilib.
Bölmənin digər xəbərləri
