İctimai Birlik sədri: Yağış sularından yaşıllıqların suvarılmasında istifadə edilməsi səmərəli olar
Bakı, 8 may, AZƏRTAC
Yeni tikilən binalarda yağış sularının toplanması üçün xüsusi anbar və rezervuar sistemləri yaradılmalıdır.
AZƏRTAC xəbər verir ki, bunu Davamlı İnkişaf İctimai Birliyinin sədri Fikrət Cəfərov "Şəhərsalma subyektləri və memarlar üçün ekoloji tələblər, normativlər və məhdudiyyətlər" mövzusunda keçirilən ictimai dinləmədə deyib.
Onun sözlərinə görə, yağış sularının küçələrə və kanalizasiya xətlərinə axıdılması əvəzinə, həmin suların toplanaraq yaşıllıqların suvarılmasında istifadəsi həm ekoloji, həm də iqtisadi baxımdan səmərəli olar. O vurğulayıb ki, bu yanaşma su israfının qarşısını almaqla yanaşı, şəhər daxilində davamlı ekoloji mühitin formalaşmasına da töhfə verə bilər.
İctimai Birlik sədri əlavə edib ki, müasir dünya şəhərlərində artıq bu cür “ağıllı su idarəetməsi” sistemləri geniş tətbiq olunur.
Bölmənin digər xəbərləri
