İDARƏETMƏ MƏDƏNİYYƏTİNƏ HƏSR OLUNMUŞDUR
AZƏRTAC-ın müxbiri xəbər verir ki, tədbiri giriş sözü ilə VCBMF-nin sədri, tarix elmləri doktoru, Azərbaycan Respublikası Prezidenti yanında Dövlət İdarəçilik Akademiyasının professoru Fuad Məmmədov açaraq, idarəetmə mədəniyyətinin cəmiyyətin və dövlətin inkişafı üçün əhəmiyyətini vurğuladı. ABŞ, Böyük Britaniya, Fransa, Almaniya və digər demokratik ölkələrin təcrübəsi göstərir ki, sosial-mədəni və iqtisadi inkişafın səviyyəsi, ilk növbədə, düzgün dövlət siyasəti və səmərəli sosial idarəetmə sistemi ilə əlaqədardır. İdarəetmə mədəniyyəti hər bir məmurun peşəkarlığı və etikasının vəhdətidir, intellektual və etik mədəniyyətə üstünlük verən ölkələr dünyada aparıcı rol oynayır. Respublikamızda da idarəetmə sahəsində mühüm işlər görüldüyünü söyləyən natiq, 1999-cu ildə Prezident Aparatının işçi qrupu tərəfindən hazırlanmış hesabatda Azərbaycandakı mövcud idarəetmə sisteminin təhlil edildiyini, nöqsanların araşdırıldığını vurğuladı.
Seminarda Azərbaycan Layihələrin İdarəolunması Assosiasiyasının meneceri Ləman Elyazova “Azərbaycanda layihələrin idarəolunmasının inkişafı” mövzusunda çıxış etdi.
Sonra “Azərbaycanda idarəetmə mədəniyyəti: müasir vəziyyəti və perspektivləri” mövzusunda dəyirmi masa keçirildi.
Bölmənin digər xəbərləri
