İdman Araşdırmalar Mərkəzi minifutbol üzrə Zəfər kuboku turniri təşkil edəcək
Bakı, 14 aprel, AZƏRTAC
İdman Araşdırmalar Mərkəzi (İAM) 10 illik yubileyi münasibətilə jurnalistlər arasında minifutbol üzrə Zəfər kuboku turniri təşkil edəcək.
İAM-dan AZƏRTAC-a bildiriblər ki, yarış Azərbaycanın ilk onlayn qanuni mərc saytı “eTopaz”ın baş sponsorluğu ilə keçiriləcək.
Məqsəd İAM-ın və “eTopaz”ın 10 illik yubileyini, 44 günlük Vətən müharibəsində qazanılan Qələbəni, eləcə də turnir günlərinə təsadüf edəcək 9 May - Faşizm üzərində Qələbə Günü, 28 May - Müstəqillik Günü, mərhum jurnalist Elnur Əşrəfoğlunun doğum gününü qeyd etmək, jurnalistlər arasında münasibətləri daha da yaxşılaşdırmaq, bu idman növünün təbliği, futbolun kütləviliyinin artırılması, asudə vaxtlarının səmərəli təşkilinə mənəvi dəstək olmaqdır.
Yarışda yalnız jurnalistlər iştirak edə bilərlər. Komandalar püşkatma yolu ilə “Cəbrayıl”, “Füzuli”, “Zəngilan”, “Qubadlı”, “Laçın”, “Kəlbəcər”, “Ağdam” və “Şuşa” adlanacaq və hər birinə təşkilatçı tərəfindən geyim forması (futbolka və şortik) veriləcək. Oyunçuların yalnız həmin formalarla meydana çıxa biləcəklər.
Qalib komandaya Zəfər kuboku və 2 min manat pul mükafatı (hər bir oyunçuya 250 manat), ikinci yeri tutana isə 1200 manat pul mükafatı (hər bir oyunçuya 150 manat) veriləcək.
Yarış mayın 4-dək iyunun 19-dək keçiriləcək.
Bölmənin digər xəbərləri
