İKİ FRANSIZ ALPİNİSTİ HƏLAK OLMUŞ, BİRİ İSƏ YARALANMIŞDIR
AZƏRTAC-ın xüsusi müxbiri Parisdən xəbər verir ki, Monblan dağının zirvəsinə qalxmağa çalışan üç fransız alpinistinin bəxti gətirməmişdir. Zirvənin 4 min metrliyində onları biri-birinə bağlayan kəndirin qırılması nətiсəsində alpinistlərdən ikisi üzüaşağı sürüşərək buz parçalarının üzərinə yıxılmış və həlak olmuşlar. Digər alpinist isə ağır yaralanmışdır.
Xilasediсilər yaralını və onun həlak olmuş yoldaşlarını çox çətinliklə taparaq yaxınlıqdakı Şamoni şəhərinə gətirərək xəstəxanada yerləşdirmişlər.
Həkimlərin bildirdiyinə görə, yaralı artıq böhranlı vəziyyətdən çıxmışdır.
Həlak olmuş alpinistlərin şəxsiyyətlərini müəyyən etmək mümkün olmasa da, onların Cura və Mozel departamentlərindən olmaları güman edilir.
Bölmənin digər xəbərləri
