İndoneziyada növbəti partlayış zamanı 3 nəfər ölüb
Bakı, 14 may, AZƏRTAC
İndoneziyanın Yava ştatında daha bir partlayış qeydə alınıb.
AZƏRTAC TASS informasiya agentliyinə istinadla xəbər verir ki, insident bu dəfə Sidoarco şəhərində yerləşən yaşayış binasında baş verib.
İlkin məlumata əsasən, mənzillərdən birində əldəqayırma partlayıcı qurğunun işə düşməsi nəticəsində biri yeniyetmə olmaqla, 3 nəfər həlak olub. Partlayış zamanı mənzildə olan daha iki uşaq sağ qalıb və təxliyə olunublar.
Qeyd edək ki, mayın 13-də İndoneziyanın Yava adasında yerləşən kilsələrdə törədilən partlayışlar nəticəsində ən azından 9 nəfər ölüb, 40-dan çox insan yaralanıb.
Bölmənin digər xəbərləri
