İnformasiya Texnologiyaları İnstitutunun əməkdaşı MDB ölkələri alimlərinin III Forumunda iştirak edəcək
Bakı, 16 noyabr, AZƏRTAC
AMEA İnformasiya Texnologiyaları İnstitutunun Elmi şurasının növbəti onlayn iclasında institutun beynəlxalq konfranslara hazırlıq işləri ilə bağlı müzakirələr aparılıb.
Bu barədə AZƏRTAC-a institutdan məlumat verilib. Tədbirdə çıxış edən AMEA-nın vitse-prezidenti, institutun baş direktoru akademik Rasim Əliquliyev bildirib ki, AMEA-nın müxbir üzvü, texnika elmləri doktoru Ramiz Alıquliyev noyabrın 24-27 -də Minskdə keçiriləcək MDB ölkələri alimlərinin III Forumunda, eləcə də Belarus Milli Elmlər Akademiyası Birləşmiş İnformatika Problemləri İnstitutu ilə elmi əməkdaşlıq əlaqələrinin genişləndirilməsi məqsədilə təşkil olunacaq bir sıra görüşlərdə iştirak edəcək.
Sonra AMEA-nın müxbir üzvü, texnika elmləri doktoru Ramiz Alıquliyev çıxış edərək, forumda “Fundamental elmin inkişafının vəziyyəti və perspektivləri”, “Rəqəmsal əsrdə elmi əməkdaşlığın təkmilləşdirilməsi” və “İnnovativ elmi tədqiqatlar” adlı 3 seksiya iclasında bir sıra aktual problemlərin müzakirə olunacağını, müvafiq istiqamətlərdə geniş fikir mübadiləsi aparılacağını söyləyib. O, tədbirdə hər bir MDB üzv ölkəsindən 9 alimin iştirak edəcəyini qeyd edib.
Bölmənin digər xəbərləri
