İNSAN HÜQUQLARINI POZANLAR CƏZALANDIRILMIŞLAR
Ombudsman Aparatından AZƏRTAC-ın müxbirinə bildirmişlər ki, baxış zamanı məlum olmuşdur ki, saxlanılan şəxsin müraciətinə əsasən, ora təcili tibbi yardım briqadası çağırılmış və onun vərəm xəstəsi olduğu müəyyən edilmişdir. Saxlanılan şəxsi Ədliyyə Nazirliyinin müşayiət dəstəsinin əməkdaşları 3 nömrəli istintaq təcridxanasına aparmış, lakin o, həmin təcridxanada qəbul edilməyərək geri qaytarılmışdır. Saxlanılan şəxs təkrarən həmin təcridxanaya göndərilmişdir.
Ombudsman Elmira Süleymanova hüquq pozuntusunun səbəblərinin araşdırılması üçün Ədliyyə Nazirliyi Məhkəmə Qərarlarının İcrası Baş İdarəsinə müraciət etmişdir.
Müraciətlə əlaqədar həmin idarə tərəfindən faktla bağlı xidməti araşdırma aparılmış və hüquq pozuntusuna yol vermiş təcridxananın rəisi N.Dibirov və onun növbə üzrə köməkçisi M.Fətiyev baş idarə rəisinin əmri ilə intizam məsuliyyətinə cəlb edilmişlər.
Bölmənin digər xəbərləri
