İqtisadiyyat nazirinin müavini Şirvanda vətəndaşlarla görüşəcək
Bakı, 25 yanvar, AZƏRTAC
İqtisadiyyat nazirinin müavini Sahib Ələkbərov yanvarın 30-da Şirvan şəhərində (ünvan: Şirvan şəhəri, Naxçıvan küçəsi 162 - Dövlət Vergi Xidmətinin 5 saylı Ərazi Vergilər İdarəsinin inzibati binası) Şirvan və Hacıqabul rayonlarından olan vətəndaşların müraciətlərinin dinləyəcək.
Nazirlikdən AZƏRTAC-a bildirilib ki, vətəndaşların qəbulu saat 11:00-dan etibarən keçiriləcək. Qəbula gəlmək istəyən Şirvan və Hacıqabul rayonlarından olan vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya "195-1" Çağrı Mərkəzinə zəng etməklə nazirliyin fəaliyyət istiqamətlərinə dair məsələlərlə bağlı müraciət edə bilərlər.
Bölmənin digər xəbərləri
