İrakli Kobaxidze: Gürcüstan mahiyyət etibarilə Avropa İttifaqı ilə danışıqlara hazırdır
Tbilisi, 12 fevral, AZƏRTAC
Gürcüstan hökuməti mahiyyət etibarilə Avropa İttifaqı ilə (Aİ) danışıqlara hazırdır. Danışıqlara başlamaq barədə qərarın verilməsi indi Aİ-dən asılıdır.
AZƏRTAC xəbər verir ki, bu sözləri jurnalistlərə müsahibəsində Gürcüstanın Baş naziri İrakli Kobaxidze söyləyib.
Onun sözlərinə görə, Gürcüstanda vəziyyət son dərəcə stabildir. Ölkə iqtisadi və digər sahələrdə inkişaf edir. Ölkə inkişaf və islahatların həyata keçirilməsi yoluna sadiqdir: “Hazırda danışıqlara başlamaq barədə qərarın verilməsi Avropa İttifaqından asılıdır. Biz bu prosesə hazırıq. Eyni zamanda, ölkəmizin inkişaf və islahatların həyata keçirilməsi yolunu qətiyyətlə davam etdiririk. Buna görə də Gürcüstan daha böyük irəliləyişə nail olacaq”.
İrakli Kobaxidze deyib: "Biz açıq şəkildə bildirdik ki, əgər Aİ bu qərarı qəbul etsə, biz hazırıq. Avropa İttifaqı ilə münasibətlərin yaxşılaşdırılması bizim maraqlarımıza uyğundur. Gəlin gözləyək və görək, Aİ hansı yanaşmanı seçəcək".
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
