İRAN NÜVƏ TƏDQİQATLARINI DAYANDIRMAYACAQDIR
O demişdir: “Tədqiqatların dayandırılması bizim üçün yolverilməzdir, çünki bu, bizim bütün beynəlxalq təşkilatlarda tanınmış hüququmuzdur. Onun sözlərinə görə, İran xalqı hökumətə bu addımı atmağa imkan verməyəcəkdir.
Q.Elham Nüvə silahının yayılmaması haqqında müqaviləyə əlavə protokolu İran tərəfinin ratifikasiyası məsələsinə toxunaraq demişdir ki, bu məsələnin İran parlamentində müzakirəsi davam etdiriləcəkdir.
Martın 18-də Avstraliyanın xarici işlər naziri Aleksander Dauner, ABŞ-ın dövlət katibi Kondoliza Rays və Yaponiya XİN-in başçısı Taro Aso birgə bəyanatda İranın nüvə proqramı ilə əlaqədar ciddi narazılıqlarını ifadə etmişlər. Sənəddə deyilir: “Biz İranın uranın saflaşdırılması ilə bağlı bütün işləri dayandırması, Beynəlxalq Atom Enerjisi Agentliyi (BAEA) ilə tam əməkdaşlığa başlaması, danışıqlar masası arxasına qayıtması və BAEA Müdirlər Şurasının təklif etdiyi addımları atması üçün BMT Təhlükəsizlik Şurası ilə birgə razılaşdırılmış tədbirlər görülməsinin zəruriliyini müzakirə etmişik”.
Bölmənin digər xəbərləri
